أنا عندي مشكلات في التحليلات والكلام الكتير اللي اتكتب عن حوار حزب مصر القوية وندوة هيثم محمدين في عيد العمال
1. كل التحليلات بتطرح تصور للحزب في تقديري إنه مش حقيقي، بداية من وصفه إنه الإخوان بشرطة وصولاً إلى إنه حزب بورجوازي، أو بورجوازي ذو خلفية أصولية، مشكلة التصورات دي إما إنها تصورات مش مهتمة بتحليل الطابع الطبقي للحزب زي مثلاً توصيفه بإنه إخوان، أو إنها بتطرح تحليل طبقي مش حقيقي ومالوش أساس موضوعي زي توصيف الحزب بإنه حزب بورجوازي، التوصيف ده تم بناء على إيه؟! طبيعة العضوية ولا طبيعة برنامجه السياسي؟ ولا طبيعة مواقف الحزب السياسية في الفترة اللي فاتت؟ كل التحليلات بتتعامل مع الحزب انطلاقاً من كونه حزب أبو الفتوح وبتسقط على الحزب توصيف أصحاب التحليلات لأبو الفتوح نفسه بدون ما تبص لواقع الحزب وتركيبه الحقيقي.
إقرأ المزيد